Newcastle sló Brentford út
Newcastle United er komið áfram í undanúrslit enska deildabikarsins eftir 3:1-sigur á Brentford á St James’ Park í kvöld.
Newcastle hafði tögl og haldir allan leikinn og ætlaði sér að ná fram hefndum eftir að hafa tapað 4:2 fyrir Brentford um þarsíðustu helgi í ensku úrvalsdeildinni.
Sandro Tonali kom Newcastle yfir strax á 9. mínútu leiksins þegar hann skoraði laglegt mark úr viðstöðulausu skoti utan teigs, eftir að Brentford hafði ekki tekist nógu vel að hreinsa fyrirgjöf frá Tino Livramento. Glæsilegt mark hjá ítalska miðjumanninum, sem var valinn maður leiksins eftir leik.
Rétt fyrir leikhlé fékk Newcastle hornspyrnu sem Anthony Gordon tók. Tonali kom aðvífandi inn á teiginn og átti síðan viðstöðulaust skot sem fór framhjá Mark Flekken í markinu. Staðan í leikhléi var 2:0.
Eftir leikhlé hélt Newcastle uppteknum hætti. Á 69. mínútu skoraði Fabian Schär þriðja mark Newcastle af stuttu færi, eftir að Brentford hafði mistekist að koma boltanum í burtu eftir hornspyrnu.
Brentford reyndi að svara fyrir sig og tókst að laga stöðuna í uppbótartíma með sárabótarmarki. Yoane Wissa skoraði með skoti sem fór framhjá Martin Dúbravka í markinu.
Dregið verður í undanúrslit enska deildabikarsins annað kvöld, eftir leik Tottenham og Manchester United, en Liverpool og Arsenal eru einnig komin áfram í undanúrslit.
Einkunnir frá BBC Sport
S. Tonali 9.21 - maður leiksins, A. Gordon 8.26, Bruno Guimarães 8.22, L. Hall 8.04, F. Schär 7.76, T. Livramento 7.67, D. Burn 7.67, M. Dúbravka 7.58, Joelinton 7.45, J. Murphy 7.42, A. Isak 7.34, H. Barnes 7.19, J. Willock 7.18, K. Trippier 6.80, W. Osula 6.72, M. Almirón 6.67.
