Við mætum Everton á heimavelli í deildinni.

Seinni leikurinn gegn Qarabak í Meistaradeildinni verður sýndur á Ölver.

Við hittumst á leik Man City gegn Newcastle á Ölver.

Leikur Qarabag FK og Newcastle United í Meistaradeildinni fer fram á fimmtudagskvöld.

Leikurinn verður sýndur á Ölver - Reykjavík. Stuðningsmenn eru hvattir til að mæta og fylgjast með saman.

Newcastle - Aston Villa | 24. janúar 2026 | St. James’s Park
https://www.nufc.is/frettir/hpfer-newcastle-united-klbbsins-slandi-janar

Við höldum í stuðningsferð til Englands að hvetja okkar menn í Newcastle! Ferðin er skipulögð af Newcastle klúbbnum á Íslandi og inniheldur flug, rútu, miða á leik og hótel á frábærum stað í hjarta Newcastle.

Newcastle klúbburinn á Íslandi býður félagsmönnum sínum í einstaka hópferð til Englands í janúar 2026 þar sem liðið mætir Aston Villa á St. James’ Park. Ferðin inniheldur flug til Manchester, rútuferð til Newcastle og gistingu á Sandman Signature hótelinu í hjarta borgarinnar, ásamt miða á leikinn.

Þetta er frábært tækifæri fyrir stuðningsmenn til að upplifa leikdag í Newcastle, kynnast öðrum aðdáendum og njóta samveru í góðum hópi. Aðeins 20 sæti eru í boði og þátttakendur þurfa að vera skráðir í Newcastle klúbbinn á Íslandi og MAGS-meðlimir hjá NUFC. Miðaverð aðeins um hundrað þúsund á mann, með fyrirvara um örlitlar breytingar.

Skrá sig þarf fyrir klukkan fjögur í dag. Haft verður samband við þá sem skrá sig.

• UPPSELT

✈️ Ferðaupplýsingar

📅 23.–26. janúar 2026
🏨 Sandman Signature Newcastle Hotel – 3 nætur með morgunmat
🛫 Flug Keflavík → Manchester
🚌 Rúta frá Manchester til Newcastle
🛬 Heimferð frá Manchester → Keflavík

💰 Heildarverð á mann: um 90.000 kr.

 (ferða-, gistinga- og rútukostnaður og miði á leik, með fyrirvara um verðbreytingar)

ℹ️ Athugið

• Takmarkað sætaframboð – aðeins 20 félagsmenn Newcastle klúbbsins.

• Viðkomandi þarf að vera MAGS meðlimur.

• Hópurinn gistir saman á Sandman Signature og fer saman með rútu frá og til flugvallar.

Hér má lesa ferðasögu frá síðustu ferð klúbbsins sem þá var í samstarfi við Visitor.

Allar spurningar skal senda á nufc@nufc.is—kveðja, stjórn Newcastle klúbbsins á Íslandi.

Við ætlum að hittast á Ölver á næstkomandi sunnudag kl. 14 og fylgjast saman með leik Sunderland og Newcastle.

Eins og flestir vita eru félögin staðsett í nágrannaborgum við ána Tyne og Wear og eiga með sér eina elstu og hörðustu knattspyrnurimmu Englands. Andúðin á milli liðanna á rætur að rekja til iðnaðar- og stéttaskiptingar á svæðinu, skipasmíða og kolanámu, og hefur lifað kynslóð fram af kynslóð. Tyne–Wear derby leikurinn er og verður alltaf barátta um stolt, sjálfsmynd og yfirráð í Norðaustur-Englandi.

Það eru komin all nokkur ár síðan liðin spiluðu á móti hvort öðru í efstu deild. Því ætlum við að hittast á Ölver. Hlökkum til að sjá ykkur!

Við tökum á móti Barcelona á fimmtudag, 18. september og í tilefni þess ætlum við að hittast á Ölver.

Það verður fjör á Ölver þegar við tökum Liverpool á heimavelli! Sjáumst þá.

Við ætlum að hittast á Ölver föstudaginn 15. ágúst kl. 17:30 og halda aðalfund!

Kosið verður í stjórn og ráð
Við ræðum tillögur að lagabreytingum
Ef þú vilt taka þátt í stjórninni – sendu okkur línu á nufc@nufc.is
Fundurinn er opinn öllum áhugasömum stuðningsmönnum Newcastle United á Íslandi!

Við viljum virkja ykkur, byggja upp öflugan klúbb og hafa gaman saman í leiðinni!

Sjáumst á Ölver þann 15. ágúst!

________________________________________________

AÐALFUNDUR NEWCASTLE KLÚBBSINS Á ÍSLANDI – FUNDARBOÐ

Aðalfundur Newcastle klúbbsins á Íslandi verður haldinn föstudaginn 15. ágúst 2025 kl. 17:30 í hliðarsal Ölvers í Glæsibæ.

Dagskrá fundarins:
Kosning fundarstjóra og fundarritara
Skýrsla formanns
Kosning stjórnar og ráða
Fjárhagsyfirlit
Lagabreytingar
Önnur mál

Kosningar í stjórn og ráð:
Opnað er fyrir framboð til stjórnar og ráða klúbbsins. Þeir sem hafa áhuga á að bjóða sig fram eru beðnir um að senda tölvupóst á nufc@nufc.is með nafni, kennitölu og símanúmeri fyrir 14. ágúst. Komi ekki næg framboð fram fyrir þann tíma verður einnig opnað fyrir framboð á fundinum sjálfum.

Tillögur að lagabreytingum sem verða teknar fyrir á fundinum: Nánar má lesa um lög félagsins á https://nufc.is

Í 4. grein er lagt til að greiðslutímabil félagsins verði frá ágúst til maí, og að félagsmenn fái úthlutað félagsnúmeri sem þeir halda ævilangt.

Í 7. grein er gert ráð fyrir að innheimta félagsgjalda hefjist við upphaf tímabils á Englandi.

Samkvæmt breytingum á 8. grein skulu ársreikningar miðast við keppnistímabil (ágúst til júlí) og skulu þeir vera undirritaðir og skoðaðir tveimur vikum fyrir aðalfund í ágúst.

Í 9. grein yrði kveðið á um að aðalfundur skuli haldinn í byrjun ágúst.

Í 10. grein félli 4. málsgrein á brott þar sem hlutverk skoðunarmanna kemur fram síðar í lögunum. Einnig færast greinar til og fundarslit verða í 15. grein.

Grein 11 fjallar um að tillögur til aðalfundar skulu berast 14 dögum fyrir fundinn og að stjórn beri að kynna þær með minnst 7 daga fyrirvara.

Loks er í 17. grein lagt til að ef félagið verður lagt niður, renni eignir þess til góðgerðarmála, samkvæmt ákvörðun stjórnar.

Önnur mál:
Fundurinn mun einnig fjalla um virkni og hlutverk nefnda innan klúbbsins og mikilvægi þess að efla þátttöku félagsmanna í starfinu.

Hlökkum til að sjá sem flesta!
Fyrir hönd stjórnar Newcastle klúbbsins á Íslandi

Kristinn Bjarnason
Formaður

Næsti bikarleikur er gegn Birmingham! Sjáumst á Ölver.

Það er stórleikur í vændum! Fjölmennum á Ölver og fylgjumst með undanúrslitaleiknum gegn Arsenal.

Hittingur á Ölver.

Við ætlum að fjölmenna á leikinn gegn Southampton á Ölveri!