Leik frestað vegna slæmra valla­rskil­yrða

Heimavöllur AFC Wimbledon.

Leik Newcastle United og AFC Wimbledon í enska deildabikarnum sem átti að fara fram annað kvöld hefur verið frestað.

Heimavöllur AFC Wimbledon hefur verið metinn óleikhæfur en mikil rigning hefur verið í Bretlandi síðustu daga og er völlurinn allur á floti og í slæmu ásigkomulagi.

Nýr leiktími hefur verið fundinn og munu liðin mætast þann 1. október næstkomandi á St James’ Park.

AFC Wimbledon, sem leikur í ensku D-deildinni, sigraði Bromley og Ipswich á leið sinni í þriðju umferð enska deildabikarsins. Newcastle United hafði betur gegn Nottingham Forest í vítaspyrnukeppni í annarri umferð.

Næsti leikur Newcastle United er heimaleikur gegn Manchester City þann 28. september í ensku úrvalsdeildinni.

This is the state of AFC Wimbledon’s pitch after overnight flooding. 😨

Storms have swept across the UK over the past 24 hours, with The Cherry Red Records Stadium hit particularly hard. pic.twitter.com/UAxlsaeZ9W

— BBC Sport (@BBCSport) September 23, 2024