Ekki sannfærandi gegn West Ham
Newcastle United tók í kvöld á móti West Ham í 12. umferð ensku úrvalsdeildarinnar. Fyrir leikinn var stjóri West Ham, Julen Lopetegui, undir pressu en hann tók við af David Moyes í sumar og hafði átt erfitt uppdráttar með aðeins þrjá sigra í fyrstu 11 umferðunum.
Newcastle var betra liðið stóran hluta leiksins en lenti undir þegar Tomas Soucek skallaði boltann í netið eftir hornspyrnu á 10. mínútu í fyrri hálfleik.
Anthony Gordon hefði átt að jafna metin á 36. mínútu þegar hann fékk gott færi eftir slæma hreinsun frá varnarmanninum Jean-Clair Todibo, en Gordon skaut beint á Lukasz Fabianski í markinu.
Alexander Isak fékk einnig frábært tækifæri rétt fyrir leikhlé þegar hann var óvaldaður í teignum eftir frábæra sendingu frá Bruno Guimarães, en hann skaut boltanum framhjá.
Gestirnir vörðust vel gegn Newcastle og bættu við marki á 53. mínútu í seinni hálfleik þegar Wan-Bissaka skaut boltanum í netið af fjærstönginni. Þetta var hans fyrsta mark fyrir West Ham.
Á 72. mínútu leiksins vildi Newcastle fá vítaspyrnu þegar Mavropanos, varnarmaður West Ham, virtist brjóta á Callum Wilson í vítateignum. Eftir athugun í VAR-sjánni var ekkert dæmt.
West Ham kláraði leikinn af krafti og tryggði sér öruggan sigur, 2:0, og tókst þar með að fjarlægjast fallsæti. Newcastle situr í 10. sæti og er fjórum stigum frá Meistaradeildarsæti.
Næsti leikur Newcastle er gegn Crystal Palace á útivelli næsta laugardag, 30. nóvember. Crystal Palace hefur farið illa af stað á leiktíðinni og situr í fallsæti.
Einkunnir Sky Sports
Newcastle: Pope (6), Livramento (6), Schar (6), Kelly (5), Hall (7), Longstaff (5), Guimaraes (5), Willock (5), Gordon (5), Isak (6), Joelinton (6).
Varamenn: Trippier (n/a), Tonali (6), Wilson (6), Barnes (6), Jacob Murphy (6).
